Meriturik ez zaie falta, aurtengoa urte txarra izan dela jakinda: "Esan digute dena atzeratuta datorrela, horrenbeste euri eta hotz horren berandura arte... Egin duten esfortzu berezia aitortu behar zaie", uste du Marga Gamerndiak, Udaleko Enplegu eta Garapen Zerbitzuko teknikariak. Biharko azokan 21 bat postu egongo dira; horietatik bost Arrasatekoak eta beste bost bailarakoak dira –Aramaio Basarri Barri fundazioko produktuak, besteak beste–. Gainerakoak kanpotik datoz.
Apirilean lan bikoitza izan dute gure baserritarrek. Izan ere, joan den zapatuan azoka biziberritzeko ekimenaren barruan antolatutako Azoka Egunean izan ziren euren produktuak saltzen, eta bihar hirugarren zapatua denez, hileroko azoka egingo dute. Seber Altube plazan egingo da azoka, 09:00etatik 14:00etara.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak