Atzo, eguaztena, estreinatu zituzten Arrasaten, ZuOndoan taldekoek egindako Gu ere harrera familia gara' ikus-entzunezkoa eta 'Maddi eta Antton' antzezlana. Harreraren gaia gizarteratu eta ezagutzera ematea, eta gai horren inguruan egon daitezkeen topikoak apurtzea dira helburuak.
50 bat lagun joan ziren antzezlana ikustera, Joxe Mari Agirretxe Porrotx tartean. Eta dokumentalari dagokionez, haur bat harreran hartzea aztertzen dabiltzan familia eta bikoteak joan ziren gehienbat, baita Arrasateko gazteak ere.
Lan biak Arrasaten estreinatuta, Soraluze, Azpeitia eta Hondarribian dituzte hurrengo hitzorduak. Edozein kasutan, ez dute baztertzen gure bailarara itzultzea: Aretxabaleta eta Eskoriatzara ere ekarriko dituzte lanok, ziurrenik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.