Atzo, apirilak 17, preso politikoen nazioarteko egunean, hainbat lagun batu ziren Herriko Plazan, Arrasateko Askapenak eta Nubi Elkarteak deituta, saharar herriari elkartasuna erakutsiz eta saharar preso politikoen askatasuna exijituz. Marokori hiltzaile izatea eta PP eta PSOEri laguntzaile izatea egotzi zieten.
Saharar presoei eskutitzak idazteko eta erakusketa bat ikusteko aukera izan zuten plazan batutakoek. Umeek marrazkiak egin zituzten eta, te goxoaren eta musika sahararraren laguntzaz, saharar herriaren eta euskal herriaren arteko samurtasunean topo egin zuten, antolatzaileen esanetan.
PP eta PSOEri saharar herriaren kolonizazioan erantzukizun historikoa eduki izana egotzi zieten eta hori ere salatu zuten pankarta baten bitartez.
Euskal presoen aldeko aldarrikapenak ere izan ziren.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.