19:00tan udaletxeko pleno aretoan eman zaio hasiera lehen hitzaldiari. Arlabango bataila (1811-5-23) izenburuarekin Gerardo Elortza historialaria luze mintzatu da. Elortzak ondo ezagutzen ditu historiak gure inguruan utzitako pasarteak, besteak beste, hitzaldiko muina izan den "Arlabango sorpresa". Ondoren, Saioa Altzuak, Eskoriatzako museoko teknikariak, Beste era bateko museo bat hitzaldia eskaini du. Bukatzeko, Nabarralde elkarteko Anjel Rekaldek Historia ondo kontatzearen garrantzia izenburupean hitzaldia eskaini du eta mahai-ingurua zuzendu.
Gaur hasi da aurtengo Udaberriko Hitzaldi Zikloa, Arrasaten. Bertako historia aztertu eta ezagutzera emateko helburuarekin, 'Historia ondo kontatzearen garrantzia' izeneko saioarekin abiarazi dute hitzaldi sorta.