"Suabeagoa da, baina propio duen garraztasun puntu hori mantentzen du" dio Otxia txakolina berri duen herritar batek. Felix Etxagibel txakolingileak antzerako iritzia dauka. Azken urteko uda "ona" izan dela dio eta horri esker, Bedoñako maldetan egiten duen txakolinak presentzia ezin hobe bat izateaz gain, oso zapore ona dauka.
Kajoi taberna kanpoan giro polita sortu da eta apur-apurka txakolinak zenbait lagun koadrila elkartu ditu. "Kaxa pare bat banatuko ditugu", dio Antonio Murillo Kajoi tabernako arduradunak. Beti bezala, Kajoi tabernan bertan edo Bedoñako Artazubiaga baserrian egongo da eskuragarri Otxia txakolina.