Goizean Azoka Egunaren baitan, serigrafia tailerra ipini zuten gaztetxeko kideek. Ondoren, bazkal aurretik, poteoa egin zuten. Sukaldean sartu zenik ere egon zen eta zenbait lagunek babarrunak prestatu zituzten; 60 lagun inguru elkartu ziren Seber Altuben mahaiaren bueltan majo jateko. Ekitaldia egin zuten gero, eta gauean berriz, kontzertua eguna borobilduz.
Apirila ospakizunez lepo
Zapatukoa, baina, ez da ospakizun bakarra izan. AGAKOk ekimen ezberdinak eraman ditu ditu aurrera hilabete hasieratik, tartean, mendi irteerak.
"Datozen asteotan ere zer egin izango dugu, esaterako hilaren 17an nazioarteko presoei idazteko elkartuko gara; 20an Emakumeen jai feminista egingo dugu; hainbat hitzaldi antolatu ditugu gainera. Esan behar da, hitzaldiak formatzeko moduak direla, eta jende guztia gonbidatu gura dugu gaztetxera gerturatzera eta parte hartzera".