Ernai gazte taldeak elkarretaratzea egin du astelehenean Donostian auzipetu dituzten 8 gazteei elkartasuna adierazteko. Gazte 1 + ez lelopean egoera hori salatu dute gaur eguerdian.
Bertaratu direnen ustez "egoera errotik" aldatu den arren, "Espainiako eta Frantziako estatuek eskubide zibil eta politikoen urraketarekin jarraitzen dutela salatu dute".
Aske Gunea
Bulebarrean auzipetuei elkartasuna adierazteko Aske Gune deritzon toki bat sortu du Ezker Abertzaleak. Bertan, hitzaldiak, eztabaidak, kantaldiak... izango dira egunero 9:00etatik 20:00etara. Ernaik "arrasatear orori" datorren martitzenean bertaratzeko "deialdi berezia" egin du.