Gaur goizean Arrasateko Biteri plazan elkarretaratzea egin dute Canas Esteban enpresako langileek. Enpresako jabeekin hitz egin ostean greban daude pasa den astetik. Urte osoan 1.000 euro kobratu dituzte eta langileen esanetan, 2 urtez atzerapenak jasan dituzte soldatak kobratzerako orduan. Guzti hori salatzeko elkarretaratzeak egiteari ekin diote, herritarrek egoera horren berri izan dezaten. Horrekin batera, pankartak jarri dituzte herriko hainbat puntutan, baina enpresako jabeek berehala kendu dituztela salatu dute langileek.
Horren guztiaren aurrean, Goiena, enpresako ordezkariekin kontaktuan jartzen saiatu den arren, oraindik ez du lortu.