Preso Politikoen Nazioarteko Eguna Arrasatera ere helduko da, Saharako herriari elkartasuna adierazteko

Apirilaren 17an, Preso Politikoen Nazioarteko Eguna ospatzen dela-eta, Arrasateko Askapenak eta Nubi elkarteak  Saharako presoei eta oro har Saharako herriari elkartasun keinu bat bidali gura die. Herriko plazan ekitaldi txiki bat egingo dute (18:00) eta bertan, Saharako presoei eskutitzak eta marrazkiak bidaltzeko aukera egongo da. Gainera, tea hartzeko mahaia eta erakusketa bat ere egongo da ikusgai, Saharako musikaz girotuta. Antolatzaileek egin dute gonbidapena: "Herritar denak gonbidatzen ditugu, apirilaren 17an Saharako Preso Politikoei elkartasuna adieraztera eta Marokoren kolonizazio errepresiboa eta Espainiako Gobernuaren kolaborazionismoa salatzera".