Martxoaren 2tik ekainaren 23ra bitartean antolatuko diren hainbat ikustaldi gidaturen bidez ezkutuan dagoen ondare hori guztia ezagutu ahalko da, eta bide batez, Gipuzkoako hiru eskualde horiek turismo aldetik eskaintzen dituzten aukeraz (gastronomiaz, izadiaz, museoez...) gozatzeko aukera ere izango da.
Bisita hauetan parte hartzeko izena eman behar da info@tierraignaciana.com posta elektronikoan edo Debagoieneko Turismo telefonora deituz; 943796463. Bisitaren prezioa 2€ da eta erreserba egiteko azken eguna, bisitaren asteko ostiraleko 12:00ak izango da. Taldeentzako bisita gidatuak ere egingo dira aurrez eskatuta (15 pertsona gutxienez).
Harribitxiak
Ignaziotar lurraldean historia, arte eta kultura arloan aurki daitezkeen ondare aberats eta ugariaren harribitxietako zenbait dira. Besteak beste, Loiolako santutegia, Antiguako ermita, Arantzazuko santutegia, Bergarako dorretxe eta jauregiak.