Arrasatearrek partidua "parekatua" izatea espero zuten, eta horrelaxe izan zen. Lehenengo zatia 12-13 amaitu zuten, eta bigarrenean, berriz, hamarna gol sartu zituen talde bakoitzak. Partidua amaitzeko bi minutu falta zirela, etxekoek bi goleko aldea zuten; hutsartea eskatu zuten, eta horrek on egin zien Ford Mugarrikoei, markagailuari buelta ematea lortu zuten-eta. Esan bezala, lehia 22-23 amaitu zen.
Ereintzakoek ondo jokatu zuten; horren harira, nabarmentzekoa ateizak egindako geldiketak. Arrasatearrek, berriz, ez zuten jakin lasaitasunez jolasten, eta hainbat jokaldietan, azkarregi jokatu zuten.