Arrasatearrek ondo hasi zuten lehia. Atsedenera 7-11 aurretik joan ziren arrasatearrak; baina, bigarren zatian ezin izan zuten aldea mantendu. Elorrioko taldea hobea izan zen; markagailuan aurretik jarri ziren eta arrasatearrek ezin izan zioten horri buelta eman.
Isasi gustura zegoen taldeak egindako lanarekin: "Azkenaldian gutxi entrenatu dugu eta uste dut taldeak ahal duen dena egin duela. Alde horretatik, gustura gaude".
Arrasateko txapelketa
Behin liga amaituta, lagunarteko lehiak izango dituzte orain arrasatearrek. Datorren apirilaren 20an Eje de los Caballerosera joango dira arrasatearrak, eta itzuliko partidua, maiatzaren 11n jokatuko dute Mojategin. Harreman ona dute Arrasateko eta Zaragozako taldeek, eta horren erakusle da lagunarteko hau.
Ekainaren 1ean, aldiz, Arrasateko zazpinako txapelketa izango dute. Horren bueltan, ohiko den moduan, garagardo jaia antolatzen dute.