Lehenengo kontzertua Madrilgo Gruta 77 aretoan eskainiko dute, Durango 14 surf instrumental taldearekin, egubakoitzean, hilak 29an; eta bigarrena zapatuan, Alcala de Henares herriko Flamingo tabernan. Duela hilabete batzuk kaleratu zuten Surfusion diskoa aurkezten jarraituko dute;hala ere, disko berria izango denaren zenbait abesti berri entzuteko parada izango dute bertara gerturatutakoek.
Disko berria prestatzen
Los Galerna taldea azken hilabeteetan buru-belarri dabil hurrengo diskoa izango dena prestatzen. Oraingo honetan, saxofoiak garrantzia handiagoa izango du, swing estiloari tartetxoa eskainiz; hala ere, western doinuak eta Dick Dale maisuaren oihartzunak ez dira falta izango. Grabazioa maiatzean hastea da hauen asmoa.