Small Jackets talde italiarrek atzo Amaia antzokiko hall-ean eskaini zuen kontzertua gozamen hutsa izan zen rock and roll zaleendako. 'Gitarreo' amaigabe haiekin, The Hellacopters taldea ekarri ziguten gogora eta 50 lagun eskas izan baziren ere, giroa bero-bero jarri zen amaierarako. Ikus-entzule gehienak gehiagorako gogoz geratu ziren. Euren aurretik Turboshit bergararrak igo ziren agertokira; hamar kantu ordubete baino gutxiago iraun zuen emanaldian.
Small Jackets taldearen bertsioen artean, MC5 taldearen American Ruse entzun ahal izan zuten ikusleek. Turboshit-ek, berriz, Dictators taldearen Who will save rock & roll eta Gluecifer-en I got a war kantuak eskaini zituen, besteak beste.
Kritika bakarra aretoak eraman zuen atzokoan. Izan ere, bertaratu zirenetako batzuek ezbaian jarri zuten Amaiako hall-a egokia den halako kontzertuetarako. Egia esan, erdiko zutabe horrek min handia egiten dio ikuskizunari.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.