Zenbait umore ukiturekin eta trama originala errespetatuz, Romeok berak eta beste bi gizonezko garrantzitsuenek, Mercutiok eta Benvoliok, emango diote bizia Julietaren arimari antzerki horretan.
Aurpegi ezagunak
Tragedia erromantikoa berpizteko, El Barco eta Los Serrano telesailekin famatu egin diren hiru aktore aukeratu ditu Salvatierrak hirukote protagonista antzezteko: Alex Barahona, Bernabe Fernandez eta Javier Hernandez.
Martxoaren 24an, domekan, antzeztuko dute Romeo lana Amaia antzokian. Emanaldia 19:30ean izango da eta sarrerak 12 euro balio du.