Nazioarteko bakarlari onenek parte hartuko dute emanaldian, Isabella Blezien piano jotzailearen laguntzarekin. Gainera, Goikobalu abesbatzak eta Goikobalu gaztek ere parte hartuko dute emanaldian.
Opera eta zarzuela ezagunak
Tosca, La Traviata, Nabucco, Carmen, Bodas de fígaro, La Boheme eta Ballo in Maschera opera ezagunen pasarteak abestuko dituzte; eta baita, Huésped del sevillano, Doña Francisquita, Tabernera del puerto, Dúo de la africana eta Luisa Fernanda zarzuelen pasarteak ere.
Nazioarte mailako abeslariak
Amparo Navarro eta Ana Cadaval sopranoak, Javier Agullo eta Andres Veramendi tenoreak eta Josean Garcia baritonoa izango dira abeslari protagonistak.
Ozenki elkartea
Ozenki elkartea iaz sortu zuten eta ordutik La Boheme eta Carmen opera ekarri dute Arrasatera. Urrira begira Verdiren La Traviata opera Amaia antzokira ekartzea da Ozenkiren asmoa.