"Udal artxiboaren gordailu moduan Markuleteko 18. pabilioia egokitzeko proiektua idaztea"; bada hori esleitzeko proposamena, XXIII. eskola antzerkiaren jardunaldiak antolatzekoa, eta besteak beste, Monterron jauregiaren beirateak konpontzeko adjudikazioa aztertuko dute gaur, udal agintariek arratsaldeko batzarrean.
Horrekin batera, diru kontuak ere izango dituzte mahai gainean. Hain justu ere, iazko aurrekontuaren likidazioa onartzeko proposamena; eta horrekin batera, Iturbide Egoitzakoa eta AUKEAkoa onartzekoa ere bai.
Udaltzainen lan-poltsa dela-eta
Eta bestelakoen artean, Euskal Autonomia Erkidegoko mugikortasunaren azterlana bidaltzea, eta "udaltzainen lan-poltsa sortzeko onartutako oinarri-arauak direla eta", aurkeztutako erreklamazioa landuko dute Udal gobernuaren asteroko batzarrean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.