Lainopean, baina gustura asko asko ibili ziren 26 lagun Artziniega inguruan, Besaidek antolatzen duen Bizkaiko birako 13. etapan. 08:45ean biltzen hasi eta Idubaltza tontorra egin (691 m.), bertan hamarretakoa jan eta handik Beraskola tontorrera joan ziren (671 m.). Eta handik jaitsi ziren Gordexola eta Okondo arteko mugaraino.
14:00ak inguruan iritsi ziren eurek ezarritako helmugara, Okondora, 16 kilometroko ibilaldia egin ostean. Indarrak berreskuratzeko, Laudion bazkaldu, bertan bisitatxoa egin, eta 17:00etan Arrasatera bueltatu ziren.
Dagoeneko egin dute hurrengo hitzordua: apirilaren 21ean, Okondo eta Areta arteko ibilbidea egingo dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.