Urduri zeuden biak, izan ere, ez zen ohiko hitzordu bat. Euskal Herrian dagoen trikiti jaialdi ospetsuenean ez da egunero parte hartzen. Kepa Junkera, Eneko Dorronsoro... izen handiak hartu zuten parte, tartean, Amets Ormaetxea eta Irati Gutierrez arrasatear gazteak.
Emanaldian bigarrenak izan ziren eta potpourriaren ostean espresuki eurentzako egindako letra duen abesti bat eta abesti berri bat jo zuten. Gai arruntetatik urrun, 15 urteko neska batzuen interesen inguruan abestu zuten. Ohiko doinu eta gaiak jorratu ez arren, jendeak oso ongi erantzun zuen eta emanaldian zehar txalo ugari entzun ziren.