Auzitegiaren aburuz "Espainiako legeak ez dio epaileari etxegabetzea behin-behinean bertan behera uzteko aukerarik ematen, eta, ondorioz, ez du bat egiten Europako Batasuneko araudiekin". Ebazpen honen aurrean, legea moldatzeko asmoa duela agertu du Espainiako Justizia ministro Alberto Ruiz Gallardonek, arau horrek Europak ezarritako legeekin bat egin dezan.
Kaleratzeen aurkako agerraldia Arrasaten
Debagoieneko Stop Kaleratzeak plataformak deituta, sinadurak biltzen izan ziren atzo Seber Altube plazan. "Kreditua amaitzen ari zaizue" lelopean batu zituzten sinadurak. Atzo Arrasaten izan ziren, baina egunotan Debagoieneko beste herri batzuetan ere izango dira. Atzoko sinadura bilketa aprobetxatuta, elkarretaratzea egin zuten, izan ere "kasuak dezente ugaritu dira eta kasu konplikatuak” direla adierazi zuten bertaratutakoek.