Bi deialdi egin dituzte: batetik, martxoaren 16an, zapatua, Arrasateko eta Oñatiko udal delegazioekin batera Jaengo espetxera martxa egingo dute; autobusa goizaldeko 02:00etan irtengo da Garibai geltokitik eta txartelak salgai daude Irati tabernan. Bestetik, hilaren 20rako elkarretaratzea deitu dute Herriko plazan (19:00).
Arrasateko Herrira-k deituta agerraldi jendetsua egin dute gaur Arrasateko Arrano elkartean, Espainiako Auzitegi Gorenaren 197/2006 doktrina salatu eta Jesus Mari Zabarte 'Garratz' euskal preso arrasatearraren askatasuna eskatzeko: "Egoera salatzeko eta Zabarte zein kondena beteta duten euskal preso guztien askatasuna eskatzeko Arrasateko herritarrei dei egiten diegu datozen egunetan egingo diren mobilizazioetan parte har dezaten", adierazi du Iker Sanpedro Herrira-ko kideak. Haren ondoan egon da Isabel Zabarte, preso arrasatearraren arreba.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak