Datorren asterako, hilaren 22rako deitu du Abaroa erretiratuen elkarteak aurtengo batzar orokorra. Halakoetan ohi den moduan, iazko jardunaren balantzea, memoria, eta aurtengo jardunaldirako aurrekontua aztertuko dituzte. Horrekin batera, presidente eta zuzendaritza batzordea aukeratzeko proposamena ere aztergai izango dute.
16:00etan izango da batzarra, Abaroako lehen solairuko E eta D aretoetan. Aldez aurretik bazkideren batek kontuen, administrazioaren edo antolakuntzaren gaineko informazioa eskuratu gurako balu Abaroako bulegotik pasa daiteke.
Bestalde, urteko ohiko batzarraz gainera, ez ohikoa ere deitu dute. Egunean bertan izango da, ohiko batzarraren ostean. Gai bakarra izango dute aztergai: Abaroako estatutuen onarpena.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.