Navas de Tolosa kalea lorez bete da gaur goizean. Duela 5 urte ETAk bertan erail zuen Isaias Carrasco alderdi sozialistako militantea eta urtero moduan bere partidu kide ugari Arrasatera hurbildu dira hura omentzeko asmoarekin.
Alaba nagusienak hartu hitza eta aitarekin bizitako oroitzapen ugari gogora ekarriz omendu nahi izan du aita. Txikitan Moralesen igarotako udak, kanpina… Ondoren Iñaki Arriolak hartu du hitza eta instituzio guztiei, bereziki Bildukoei bizi dugun bake garai honetan "terrorismo biktimak ahaztuak izan ez daitezen" lan egitera gonbidatu ditu.
Arrasateko Udaletxeko zinegotzia den Juan Antonio Barriocanal izan da Bilduko politikari bakarra. Bere ustez "familiak antolatutako ekitaldi bat izango balitz udalbatza osoa hemen egongo litzateke, baina hau ekitaldi politiko bat bilakatu da". Ondoren, Carrascorekin, bizilagunak zirenez, elkarri zioten estimu handi ere aipatu du.