Kale bakarrak emakume izena

Arrasaten diren 146 kaleetatik bakarrak dauka emakume izena. Eta berori, gainera, aste honetan onartu du Arrasateko Udalbatzak martxoaren 6ko Osoko Bilkuran. Teresa Garcia andereñoaren (urteetan Biteri eskolan maistra bezala aritu zen) izena hartuko du herriko kale batek. Hori horrela, Joxe Arantzabalek 10 emakumeren izenak proposatu ditu Arrasateko kale izendegirako. Faroa bere blogean proposatu ditu horiek. Proposamenen artean bat bera ere ez da arrasatearra; bakarra da debagoiendarra eta gehienak dira emakume ospetsuak, modu batera edo bestera, bakoitza bere alorrean, mundua aldatzen lagundu zutenak.