Aztergai dituzten gaiak ikusita, elurrak joatearekin batera, erabateko udaberri kutsua hartuko du, beraz, Udal gobernuarnen gaurko batzarrak. Izan ere, aipatutakoez gainera, Arizmendi Ikastolaren laguntza eskaera ere aztertuko dute, abesbatzen topaketa antolatzekoa. Eta, Arrasate Errugbi Taldeak ere aurkeztu du berea, kasu honetan, XV. Seven Rugbi Topaketa antolatzekoa.
Udaberriko Musikaldia eta udaleku irekiak
Bestalde, musikarekin lotuta, IX. Udaberriko Musikaldia antolatzea landuko dute. Baita Gipuzkoako Diputazioarekin hitzarmena sinatzea ere, 2013 Gaztemaniak egitaraua burutzeko. Eta beste gai bat aipatzearren, Txatxilipurdi elkarteak ere badihardu udako kontuetan pentsatzen, udaleku irekiak antolatzeko gazte txokoak eta ludotekak erabiltzeko baimen eskaera aurkeztu du-eta Udalean.
Halakoak eta beste landuko dituzte, bada, Udal gobernuko kideek arratsaldeko batzarrean.