Txartel honen helburua, tarifa-sistema bateratu berria ezartzea da, modu horretan erabiltzaileei bidaiak erraztuz.
Mugi garraio txartel berriarekin gainera, erakunde eta udal ezberdinen inplikazio eta lanari esker, autobus eta tren zerbitzu ezberdinak hartzeko aukera izango dute gipuzkoarrek. Besteak beste, honakoak dira txartel bateratuarekin erabili daitezkeen zerbitzuak: Lurraldebus, Euskotren edo Donostiako Dbus.
Hala ere, berrikuntza nabarienak tarifa eta deskontuetan izango dira, hauek bi multzotan sailkatzen dira. Alde batetik, erabilera sarituko da. Hau da, garraio publikoa gero eta gehiago erabiliz, bidaiak merkeagoak izango dira. Eta bestetik, talde edo kolektibo jakin batzuetara bideratuta dauden laguntzak: erretiratuei, ezinduei, haurrei eta laguntza sozialak jasotzen dituzten familiei.
Egoeraren arabera hobari ezberdinak eskaintzen ditu Mugi txartelak. Talde hauei lehen txartelean hamar euro sartzean bi euroko diru-saria ematen zitzaien lehen; orain hamar euro bakoitzeko 20,80 euro gehiago jasoko dituzte, hau da, %108ko hobaria jasoko dute. Informazio gehiago, www.mugipuzkoa.com webgunean eta 943 00 01 17 telefono zenbakian.
