Eroskiko 8.800 bazkideek soldata batez beste %5 txikitzeko aukeraren inguruan bozkatu dute, eta behin betiko erabakia martxo ingururako hartuko du Errektore Kontseiluak. Neurria aurten bertan aplikatuko litzateke. Kudeaketa plan berriaren barruan, "hainbat aukera" aurreikusten dira, eta soldata murrizketa hori aukeretako bat da, Eroskik esan digunez.
2013-2016 Plan Estrategikoa lantzen dabil Eroski, eta 8.800 bazkideek, batez beste, %5 gutxiago kobratzeko aukera aurreikusten da. Helburua da enpleguari eustea.
Batez-bestekotasun hori honela azaltzen da: soldata txikienei gutxien murriztuko litzaiekee, %2,5, eta handienei, gehien: %7,5.
Orain dela gutxi, Eroskirena den Caprabo banaketa-kateko langileen %10ek soldata, batez beste, %10 txikitzea onartu dute. Hala adostu da sindikatuekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.