Korrika 18 Andoaindik abiatu bitartean, hainbat dira Korrika Kulturalaren izenean antolatutakoak; horietako bat, bihar Arrasaten egitekoa zen debagoieneko ginkana baina beharrezko talde kopurua osatu ez denez, bertan behera geratu da. Martxoaren 2an Irunen egingo dute finalaurrekoa eta finala, Baionan, martxoaren 24an.
Egitarau berean baina hainbat dira egunotarako proposatutakoak; horien artean antzerki emanaldia. Hitzen balioaz hausnartzen duen Balitzen hioa izango da gaur, egubakoitza, Eskoriatzako unibertsitatean, 19.30ean; sarrera doakoa izango da. Martitzenean, otsailaren 26an, beriz, Jon Zubiaga 'Osoron' arrasatearrak eta Sonia Villamor bilbotarrak protagonizatutako Pisukideak komedia, izango da, Aretxabaletako Arkupe kultur etxean, 19:00etan; sarrerak 4 euroren truke.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.