40 Lagun irten ziren 07:30ean Arrasateko Garibaitik autobusean Etxegarateraino. Handik hasi ziren ibiltzen 08:45ean mendian gora Balankaleku Leporaino. "Nahikoa elur zapaldu" eta gero iritsi ziren San Gregorio eta Lizarrustiko bidegurutzera. Eta handik hasi ziren jaisten San Gregorioraino, eta hemendik Aita Barandiaren bidetik San Martineraino.
Kontatu digutenez, eguerdiko ordu batean iritsi ziren San Martinera, 15 kilometroko ibilaldia egin ostean. Ataunen, Urbitarte sagardotegira bazkalduta, "ondo jan eta abestu" ostean, bueltatu ziren Arrasatera.
Datorren hileko irteera Bizkaiko Biraren etapa izango da Artziniega eta Okendoren artean.
