Hark emandako informazioaren arabera, Erguin, Makatzena eta San Kristobalen ez dago argirik. Iberdrola jakinaren gainean dago "orain dela ordubete". Bestalde, Umezaintzan ere ez dute argirik, eta ezta berogailurik ere.
Kale eta auzoen egoerari dagokionez, Erguin, Gorostiza eta Makatzenako zenbait eskailera mozten dabiltza une honetan kale garbitzaileak, brigadakoak eta Cespako langileak.
Goiko auzoak eta ospitalea, garbi
Eta elurra kentzeko bi makina eten barik lanean dabiltza. Batak Jose Luis Iñarra, Obenerreka, Makatzena, Erguin eta ospitale inguruak garbitu ditu. Eta besteak, berriz, Bedoña, Gesalibar-Garagartza eta Udala auzoak. Hala ere, goi aldeko auzoei dagokienez, garbitu ahala elur zaparradak botatzen baditu, atzera ere errepideak erabili ezinda geratzen dira.
500-600 metrora
Jose Luis Etxeberria Porruk esandakoaren arabera, ezustean harrapatu gaitu guztiok ere elurte honek: "Aurrean daukak papera, eta ipintzen du elurra 500-600 metrora, eta abisu horia, beraz…", adierazi du.