Iturripeko kantxa utzita, Musakolan jokatu zuen Ford Mugarrik zapatuan. Hondarribiako mutilak izan zituzten aurrez-aurre, eta garaipena eskuratu zuten arrasatearrek. Partidu gogorra, indar handikoa ikusi ahal izan zen bertan. Azkeneko emaitzak 8 goletako aldea erakutsi arren, guztia ez zen maldan beherako bidea izan; hain zuzen ere, lehenengo zatia amaitzerakoan markagailuan atzetik joan zen etxeko taldea.
Zentratuago irten ziren arrasatearrak bigarren zatian, eta jokaldiz jokaldi zailtasunak gainditzen joan zen etxeko taldea. Hala, amaieran, zortzi goletako aldearekin amaitu zuten norgehiagoka.
Jokalekuan giroa bero egon baldin bazen, harmailetan ere zaleen oihuak nabari ziren, hondarribitarren aldekoak ez zeuden eta gustura epailearen lanarekin. Amaieran baina, txalo zaparrada eskaini zizkieten alde batekoek eta bestekoek jolari guztiei.