Prezio horren barruan honakoa sartu dute: joan-etorria egiteko hegaldia, bertan ibiltzeko autobusa, "luxu handikoa"; Titisee laku inguruan hiru izarretako hotelean egonaldia, pentsio osoa eta bederatzi txango, gidari batek lagunduta.
Itsasontzian bi ibilaldi
Txango horien artean, itsasontzian bi ibilaldi antolatu dituzte: Titisee lakuan bertan bata eta Rhin ur-jauzien inguruan, bestea. Horrekin batera, bestelakoen artean, bi museo bisitatuko dituzte, eta baita irla bat ere.
400 euro aurreratu behar
Izenematea, otsailaren 18tik martxoaren 8ra bitartean egin ahal dute Abaroako bazkideek. Bazkide ez direnek, berriz, martxoaren 11tik 15era bitartean eman ahal dute izena. Prezio osoa 890 euro izan arren, izena ematerakoan 400 euro aurreratu egin behar dira.
Hasiera batean 45-50 lagunendako lekua dago. Eta jarlekuak izenematearen ordenaren arabera banatuko dituzte.