Gurasoak konturatu orduko Mondrakoak 0-1 zihoazen markagailuan. Norgehiagoka aurrera joan ahala, baina, Arizmendiko kadete mailako mutilek indarra eta gogoa erakutsi zituzten eta markagailua berdintzea lortu zuten atsedenaldira iritsi aurretik.
Bigarren zatian bi ateetan egon ziren aukerak. Partidua bukatzeko bost minutu falta zirela, Arizmendik gola sartzea lortu zuen. Ondorengo minutuetan, Mondrak bizpahiru aukera izan zituen, eta atezainak ateratako sake eskas baten ondorioz lortu zuen gola, azkenean. Epaileak zelai erditik sakea egin bezain pronto eman zion bukaera neurketari.