Bedoñako ogia, gutizia arrasatearrendako

Bedoña auzoko Urkamendi baserriko ogiak jarraitzaile leialak dituela argi geratu da gaur ere Arrasateko Udal Azokan. Egubakoitzeroko azokan hiru txanda egiten dituzte Urkamendikoek labetik atera berri den ogia saltzeko, eta hiru txandetan jendetza hurbiltzen da azokara, ilara luzeak sortuz. Hainbat arrasatearrendako gutizia denik ezin ukatu; baserritarrendako, berriz, garai ilunotarako argi apur bat suposatzen du ogiaren arrakastak. Hainbat etxetan asteroko ohitura da aspalditik Bedoñako ogia.