Arrasateko Udalak emandako azalpenen arabera, "San Frantzisko biribilgunean (Okorotegi) Construcciones Artzamendi lan batzuk ari da egiten Iberdrolarentzako. Otalora kalea zeharkatu beharra dute lan horiek egiteko, eta horrek eragina izango du zirkulazioan".
Zirkulazioa txandaka
Edozelan ere, "trafikoan ahalik eta oztopo txikienak eragiteko, Udaletik eskatu zaie aste bitartean beharrean, lanak datorren asteburuan egin ditzaten", jakinarazi dute. Eta abisatu dute justu oraingo asteburuan egingo dituztela lan horiek. "Trafikoa ez da guztiz moztuko, baina zirkulazioa semaforo bidez edo langileen bidez erregulatuko da, autoei txandaka pasoa emateko", iragarri dute.