Medikuntza eta kirurgian lizentziaduna da Zulueta Valladolideko Unibertsitatean, eta Deustuko Unibertsitatean Enpresa zuzendaritzako MBA eta EADAn Asistentzia zentroetako zuzendaritzan masterra dauka. Auzi medikua izana da Bergarako epaitegian, baita familia-medikua ere, hainbat herritako anbulatoriotan. Mutualian ere ibilia da zerbitzu medikuen zuzendari, besteak beste.
Urrezko Q, Bidasoan
Donostiatik dator gure ibarrera, izan ere, urtarrilaren 30era arte Donostiako Ospitaleko Zuzendaria izan da, eta lehenago Bidasoako Ospitaleko Zuzendari medikua ere izan zen, gerora ospitale bereko zuzendari izatera helduz. Azken horretan zela, gainera, Urrezko Q saria lortu zuten bertako zerbitzuen kalitateari esker.