Bestalde, Arrasateko Askapenak "elkartasun osoa" adierazi nahidie astelehenean Madrilen epaituko dituzten Joseba Garitaonandia, Amaia Osa, Sebas Etxebarria eta Iñaki Manueli: "Euskal Preso Politikoak Frantziako eta Espainiako kartzeletan bahituta dirauten bitartean, kaleak euskal preso politikoen argazki eta aldarrikapenekin betetzera dei egiten dugu. Gatazka politikoen konponbide prozesuetan errepresioak ez du lekurik. Hori nabarmen gelditu da beste herri batzutako prozesuetan. Beraz, estatu espainiar eta frantziarrari dei egiten diogu, mahaian eseri eta gatazkaren ondorioei heltzeko. Hori izango baita benetako bake eskenatoki batera iristeko urrats garrantzitsu bat".
Arrasateko Askapenak antolatzen dituen 'Zine metrallak' ekimenak Palestina izan zen abiapuntu urtarrilean. Otsailean, berriz, Kolombia izango da gaia. Otsailean zehar lau film ikusi ahalko dira Arrasateko gaztetxean, domekero film bat (18:30): hilaren 3an, 'La gente de la Universal'; hilaren 10ean, 'Colombian dream'; 17an, 'El Baile Rojo' eta 24an, amaitzeko, 'Sicario'.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak