Hasi berria den denboraldian Istar Dapena pauso sendoak ematen dabil, eta dagoeneko egin du lehenengo marka garrantzitsua, gazte mailan errekor berria ezarrita. Orain arte kategoria horretan Fernando Cortesek zuen markarik onena, 1983an egindakoa, baina pertikarekin 4,40 metroko saltoa eginda Istar Dapenak du orain errekorra, Gipuzkoako gazte mailako onena.
Ez zen errekor bakarra izan
Asteburu berezia izan da joan berri dena, Istar Dapenarena ez delako errekor bakarra izan. Egubakoitzean, Txindoki taldeko Gari Garmendiak pisua 15.52 metrora jaurti zuelako. Hori da kadete mailan orain arte egin den jaurtiketarik onena, eta azken 10 urteetako errekorra ondu du Garmendiak (Odei Lopezek zuen aurreko marka).