Gazteluondo ondoko euri-uren hodiari dagokionez, hura birjartzea erabaki du alkateak eta erabaki hori berrestea da gaur arratsaldeko batzarrean proposatuko dutena. Zalduspe birzatitzeari dagokionez, berriz, horri dagokion proiektua hasiera batean ontzat ematea aztertuko dute gobernuko kideek. Eta horrekin batera, kontratazio publiko bat abiaraziko dute: igogailu publikoak edo udal eraikinetako igogailuak mantentzeari dagokion baldintzen agiria aurkeztuko dute, onespena eman guran.
Bestelako gaien artean, etorkinendako aurtengo harrera zerbitzua kontratatzea aztertuko dute; biolentzia matxistarekin lotuta, talde terapiak antolatzea; eta urtarriletik ekainera bitarteko Emakume Txokoaren eta jabetze eskolaren plangintza onartzea ere bai.
Ohitura zaharrak
Eta ohitura zaharrekin edo jaiekin lotuta, Aratusteen aurrekontu eta egitaraua mahai gainean izango dute udal agintariek; datorren astelehenean kantuan aterako diren Santa Agedako koruei dirulaguntza ematea ere bai eta egun horren bueltan ospatzen diren Gesalibar auzoko jaiendako eskaerak ere aztergai izango dituzte.