Aitor Fernandez arrasatearrak Vila-realen jokatuko du 2015era arte. Antza, Levante aldeko taldea gertu-gertutik ibili da Arrasatekoaren denboraldia jarraitzen, eta Barakaldon egiten dabilen lan onaren berri izan dute. Hori horrela, Vila-real eta Athleticen artean adostasuna lortu, eta Arrasatekoak 2015era arteko jokatuko du itsaspeko horian. Hori baieztatu digu Fernandezek berak. Vila-realekin 2015era arteko kontratua izango du, eta Athleticek jokalariaren zerbitzuak berrerosteko aukera izango du.
Lehenengo taldearekin
Gaur Teruelen dago arrasatearra Barakaldo taldearekin. Bihar, Vila-realera joango da eta bi urte eta erdirako kontratua sinatuko du. Vila-real bigarren mailan dagoen taldea da. Fernandezek lehenengo taldean jokatuko du eta azaldu digu "titular postua borrokatzera" joango dela.
Harrobiko jokalaria
Aitor Fernandez Athleticeko harrobiko jokalaria da, eta azken urteetan lehenengo taldeaz entrenatu bada ere ez du Lehenengo Mailan debuta egiteko aukerarik izan. Duen adinarekin –22 urte– minutuak behar dituen jokalaria da Fernandez, eta minutu horietaz gozatzen ari da Barakaldon, Bigarren B mailan.
Espainiako selekzioaz jardundakoa ere bada Arrasatekoa, hainbat kategoriatan hautatzaileen begikoa izan da-eta. Hala, 2011n Munduko Kopan izan zen, Kolonbian, baina zorigaiztoko lesio baten erruz nahi baino lehenago itzuli behar izan zen etxera.
Hemen Arrasatekoari egindako azken elkarrizketa.