Zerrajera kaleko horma berria, egun gutxi barru gertu

2012ko apirilaren 15ean, euriteen ondorioz, behera etorri zen Zerrajera kaleko murrua. Bada, lanak atzerapenekin hasi arren, martxa onean doaz. Construcciones Etxaide enpresa langile batek adierazi digunez, egun gutxi barru gertu egongo da murru berria: "Eguraldiak normaltasunez lan egiten uzten badigu egun gutxitan amaituko ditugu lanak. Hormigoizko euskarriaz gain, metro eta erdiko zabalera duen zapatak ere jarri diogu". Obrako langileak gaineratu du orain egonkortzen diharduten tartea "lau bat egun" egingo dituztela; oraindik beste zati bat geratzen da egiteke.