.jpg)
Musikarekin hasi zuten Kooltur Ekintzako lagunek urtarrila. Porco Bravo bizkaitarren punkak eta Xabi San Sebastian Banden doinu rockeroek girotu dituzte aurreko eguenak, arrakastaz. Asteon berriz, musikak antzerkiari utziko dio tartea eta gaztetxera bertaratzen direnek Rosalinda, sous le ciel antzezlanaz gozatu ahal izango dute.
Umore klabean
Rosalinda, sous le ciel obra Cristina Calvo eta Ekoma Teatroren ikuskizuna da. Emakume baten istorioan oinarrituta kontatzen da. jendarteak ipinitako kanonetatik aldentzen den emakumea da Rosalinda eta arrazoi horrexegatik are pertsona bakartiago bilakatu den protagonista. Umore klabean kontatutako istorioa.
Eszenografia soil baten bitartez bere mundura garraiatuko du ikuslea protagonistak. Cristina Calvoren lan hau, Bizkaiko diputaziori aurkeztutako Barre eginarazteko artea izeneko proiektu baten baitan kokatzen da antzezlan hau. Horrek beka bat irabaztea ekarri zion eta hiru urte egin zituen Parisen: "Eszena ulertzeko ikuspuntua guztiz eraldatu zitzaidan urte horietan ikasitako guztiarekin".