Zineskola deituriko programaren edizio berri bat ari dira aurrera eramaten Arrasateko Institutuko eta Arizmendi Ikastolako 4. DBHko, eta baita Lanbide Heziketako ikasleak ere. Guztira 221 ikasle.
Udaleko Ongizate sailetik eskaintzen den zerbitzua da Zineskola. Maite Aizpiri Prebentzio teknikariak xehetasun gehiago eman dizkigu: "Duela hamarkada bat baino gehiagotik garatzen dugun programa da.
Helburua garbia da, ikasleen artean hausnarketa kritiko egitera bultzatzea". Izan ere, ikasturtean zehar, gai zehatzak jorratzen dituzte film ezberdinak ikusten dituzte ikasleek. "Amaia antzokian ikusten dituzten pelikulek balore edota gizarteko egoera jakinak lantzen dituzte. Ostean, unitate didaktiko batzuen bidez ikastetxeetan jorratzen dute gaia".
Ikasturte honetan lau film
Azaroan hasi zen ikasturteko Zineskola; Haur basatiak izeneko filma ikusi zuten ikasleek eta hilaren 18an, egubakoitzean, berriz, Las Nieves del Kilimanjaro.
Maite Aizpirik adierazi digunez, programak aurrera jarraitzen du, eta apirilera bitartean beste bi film proiektuatuko dizkiete ikasleei, hain zuzen ere, Bypass eta Detachment.