Kulturateko areto nagusia lepo bete zen, Lili eta Lolok kontatutako istorioa entzuteko. Hala eman baitzioten hasiera Okendoko Ludotekaren 10. urteurren jaiari. Erguineko Usaetxeko eta baita Santamarinako ludoteketako neska-mutilek bat egin zuten erdiguneko festarekin eta egubakoitz iluntzean ez zen barre eta ilusiorik falta izan.
Magia baliatuta txikienen irudimenarekin jolastu zuten eta ikusleen konplizitatearekin egin zuten tupust, ordubeteko saio interesgarria eskaini zuten bi aktoreek.
Emanaldia amaituta, Okendoko ludotekara bertaratu ziren, askari goxoarekin disfrutatu eta lagunartean jolasean aritzeko. Egun borobila izan zen guztientzat.