Arrasateko Udalak prentsa oharrean jakitera eman duenez, herriko ostalariei gutun bat bidali die, establezimendu kanpoan mahaiak, aulkiak, kupelak eta bestelakoak ipini gura izanez gero Udal baimena behar dutela gogoratuz: "Horiek jartzea Udal baimenik gabe administrazio arau-haustea da eta Udala behartuta egongo da dagokion zigor espedientea irekitzera".
Hala, bide publikoa beladoreez, jarlekuez, kupelez eta abarrez, hartu edo okupatzeko baimena, BAZen eskuratu dezaketela gogorarazi die ostalarie. "Bide publikoa okupatzeko urteko udal tasa bat ordaindu behar da hartutako metro lineal bakoitzeko".
Baimen eskaera egiterakoan gainera, fidantza bat ere ipini behar dela gogorarazi dute. Hau, 600 eurokoa izango da mahai edo beladoreen kasuan eta 100 eurokoa jarleku eta kupelen kasuan. "Fidantza hori mantentzen da bide publikoa hartzeari utzi arte. Baimena urtero berritu behar da".