Maria Ubarretxena urretxuarra da izatez, baina urteak daramatza Arrasaten bizitzen eta oraingo agintalditik da EAJren zinegotzi.
Juan Mari Aburtoren sailpekoa izango da Ubarretxena. Bilbotarrarena izango da Enplegu eta Gizarte Politiketako saila eta sail horretan jardungo du Arrasateko EAJko zinegotziak. Esan bezala, Ekonomia soziala eta Erantzukizun Sozial Enpresariala izango dira haren ardurakoak. Kooperatiba batean egiten du lan gaur egun Maria Ubarretxenak eta alor horretan jardungo du aurrerantzean Jaurlaritzan.
Arrasateko Udalean, Ogasuneko, Gazteriako eta Berdintasuneko batzar informatiboetako kide da. Arrasateko Udaleko zinegotzi karguari eutsiko dio, Jaurlaritzan lan egin arren.