Iazko ekainaren 1ean estreinatu zuten Doke antzerki taldeko kideek antzezlan berria: Paradisuko atean. Heriotzaren gaia jorratzen du antzezlanak eta komedia eta drama nahasten ditu. Antzezlanan tanatorio batean kokatzen da eta hildako bat dago. Tanatoriora hildakoaren lagun eta familiartekoak gerturatuko dira eta hildakoak guztia ikusi eta entzungo du.
Josemari Velez de Mendizabalek idatzitako antzezlana da. Emanaldia, domekan izango da, 19:30ean, Amaia antzokian. Mondraberriren aldeko emanaldia izango da.