"Hamazazpi emendakin aurkeztu dizkiogu Udal Gobernuak aurkeztutako proposamenari; hain zuzen, aurrekontuak hobetzeko asmoz.
Uste dugu aurrekontu kontinuista batzuen aurrean gaudela; hau da, ez dutela proposamen berririk egin iazko aurrekontutik oraingora.
Jakin badakigu aurrekontu kontuetan mugikortasuna zaila izaten dela. Baina guk 700.000 euroko emendakinak aurkeztu ditugu; horietatik, lehentasuna eman gura izan diegu emendakin sozialei. Gainera, dagoeneko existitzen diren partida batzuk kenduta, soberakinak egongo liratekeela pentsatzen dugu.
Egia da ez dela gure emendakinetatik bat bera ere onartu, baina, Udal Gobernuak esandakoaren arabera, posible izango da horiek batzordeetan lantzea datozen hilabeteetan.
Beraz, osoko bilkuran ez onartu arren, agian aurrerago onartuko dira zuzenketak, eta argi geratzen da alderdi sozialistak egiten duen lana islatuta gera daitekeela aurrekontuetan. Gainera, Udaleko gobernuarekin zerbait onar dezakegula ikusi da".