Gipuzkoa etorbideko lanak, azken ukituen zain

Joan den astea ezkero semaforoek erregulatzen dute Gipuzkoa etorbideko zirkulazioa Udal biltegiaren parean hasi eta, erdigunerako norabidea hartuz gero, metro batzuetan zehar –ia Martxoaren 8 kalearen altueran dagoen biribilgunera arte–. Argindar sarea osatzeko Iberdrolaren linea berri batzuk jarri behar izan dituzte eta horretarako, noski, zorua altxatu behar izan dute. Horregatik jarri dituzte semaforoak. Egoera normaltasunera noiz itzuliko den jakiteko data zehatzik ez badago ere, bertan lanean harrapatu dugun langile batek ziurtatu digu ia dena amaituta dagoela eta azken erremateak besterik ez direla falta.