Musikaren bidez Itxungi Irrati askearen aldeko ekitaldia egingo dute hilaren 18 eta 19an. Guztira zortzi talde arituko dira bi egunetan zehar.
Egubakoitzean 22:00etatik aurrera rock doinuz josiko da gaztetxea. Metralleta, Psicoterror eta Bar Remigio taldeen txanda izango da orduan. Sarrerak 3 euroko kostua izango du.
Zapatuan berriz, Los Cretinos, Fat Lizzy, Disaster People, Papalagi eta Transistores-50 igoko dira taula gainera. Kasu horretan baina, arratsaldean hasiko dira kontzertuak, 18:00etatik aurrera girotuko baitute gaztetxea taldeek.
Itxungi irratia Arrasateko Gaztetxeko orrian entzun daiteke, edota baita FMko uhinetan ere; dioten bezala, "107 eta punto".
